الأستاذه ورود في تربه مالحه ،، تكتب ، ، ملامح انسان

((( ملامح انسان )))

لو شفتو عيوني سارحة مجمدي بنفس المكان...
لو سمعتو ونين الروح بغيابكم جنني الهذيان...
كنا نودع بشر صرنا نودع صور بملامح أنسان....
الدم تجمد بعروقي ماعم ينبض فيني ولا شريان....
عم بتخيل هيك صار البستان؟وأحنا بعالم الهجران....
أسفينة دنسها قبطان او قميص زرارو يبست الوجدان...
عروقي من كتر ماحاولت حل لغزها بجوز تطلع ثعبان....
وانا بمكاني فوق راسي خيبة تفاصيلها الشطأن.....
بعصر موسى انشق البحر بضربة عصا هلاء ليش زعلان....
احنا نشقينا او الغربان وليش ماعاد ظهر خاتم سليمان....
ولاحتا سحر بأي مكان وكتر دبح القلب وكأنو خرفان...
والروح بدل ماتعصر دم صارت تعصر عنب ورمان....
والواوي صار صدى صوتو حروفها على شكل تيجان....
بتلمع على روس من بخور وبالمح البصر بتتحول لدخان...
والكلام بطل يطلع من جوا القلب واللسان....
والاقحوان بنزرعة ب الصين بيزهر ب اليابان.....
والمطر بينزل على الارض وبيتبخر قبل الطوفان...
الدموع صارت شموع والمقابر مابتحوي بدون حسبان....
والكهنة قاعدين في المعابد مش عشان يحرسوها باتقان....
مش داخلين يتعبدو والزوار الحقيقين جفت الم ونسيان...
لشو الانين ونعمة وجود حواسنا مجرد براويز بجسد نعسان...
كل شوي بيغفى بحس بحلم دفيان او بقصة ماعاشها رهبان...
لارح تحصل بهيك اوان حتا لو دار ورجع عهد الفرسان...
والشمس في السما حزينه وباردي وبطلت تحرق الصوان....
يمكن تكمل روايتي وبحدثكم شو طبع وأصل الشجعان...
لاتفكروه خوان او يأسان مكسور من حكايه معناها الخذلان....
كان صعب عليه النسيان واطرفو جلدت وجع و حرمان....
عيونو معلقة على لحيطان محتار يغمضها او يبقى صحيان....
معلش ياحضرة صاحب الزمان لاتتفنن بتاريخ الاوطان.....
الوطن مش خيبة ولانسج اكفان مش كفيه وشوية حنان....
وشملة ورود ملوني من الجنة غفياني بحضن عطشان .....
الوطن.... الوطن مجهول الاقامه ولسى مانوجد حتى الان.....
مش حرير وشنطة فيها مرجان ولاجزيرة مافيها سكان.....
لاجن ولا انس ولا زهدان...الوطن لو لقيتو رح يحكي صدى صوتو ويصدع الاركان....

✍️....... #ورود في تربة مالحة